‘દિવ્ય ભાસ્કર’ની લોકપ્રિય કોલમમાંથી ચૂંટેલા શબ્દોનું આ નવું સંકલન છે. આ પુસ્તકમાં પશ્ચિમની ભાષાઓમાં અપનાવાયેલા અને સ્વીકારાયેલાં પૂર્વના શબ્દોનો રસપ્રદ પરિચય આપવામાં આવ્યો છે.

અંગ્રેજી આજે વિશ્વભાષા બની ગઈ છે. તેનું એક મહત્ત્વનું પાસું એ છે કે આ ભાષા સંકુચિત નથી. વિશ્વની અનેક ભાષાઓના શબ્દો અંગ્રેજીમાં ઉમેરાયા છે અને આ પ્રક્રિયા હજી પણ ચાલુ જ છે. માટે જ દર વર્ષે અંગ્રેજી શબ્દકોષમાં બદલાતા પરિવેશ પ્રમાણે નવા નવા શબ્દો ઉમેરાતા જ જાય છે. અમુક શબ્દો લાંબા વપરાશના લીધે પ્રથમ દૃષ્ટિએ ભલે અંગ્રેજીના પોતાના લાગે, પણ હકીકતમાં એ પૂર્વની ભાષાઓ પર આધારિત હોય છે.

ભાષાની સમૃદ્ધિ અને જીવંતતા ઉપર આધારિત આ પુસ્તક સૌને માટે ઉપયોગી અને માહિતીપ્રદ બની રહેશે.